ㅤㅤ

श्री दत्ताची मानस पूजा - श्री दत्त महाराज

 श्री दत्ताची मानस पूजा - श्री दत्त महाराज

श्री दत्ताची मानस पूजा - श्री दत्त महाराज

डोळे मिटून खालीलप्रमाणे श्रीदत्ताची मानसपूजा करावी
।। श्री गणेशाय नम : ।। श्री सरस्वतैय नमः ।।
।। श्री कुलदेवताय नमः ।। ।। श्री मातृ पितृ देवताय नमः ।।

बाळ विनवी सर्व देवतांना, बुद्धीमागे दत्त उपासना लिहिण्याला।
ऊर्जा ओतून लेखणीत, मागे ओजस्विता जन कल्याणाला।
श्री गुरू दत्तात्रेय आहेत कृपेचे सागर ।
रूप तुमचे माझे मनी, राहो निरंतर ।।
ब्रह्मा, विष्णु, शंकराची ही त्रयमूर्ती ।

स्मर्तगामी होऊनी सदा भक्तासी उद्धरती ।
घेऊनी गोमाता, श्वान, राही दत्त औदुंबरा खाली ।
ध्यानस्थ त्यांची मूर्ती, सर्व जगताची वाली।
जोडूनी हात ठेवूनी माथा तवचरणी ।
शरणागत मी ऐक माझी विनवणी ।

प्रार्थना करीत मी हृदयासन मांडिले ।
बसूनी त्यावरी उमटू दे तव पाऊले ।
पूजेसाठी मी आणिली पुष्पे मोगरी ।
भक्तिभावाने मी ठेवितो तव चरणावरी ।
स्वीकारी मम पूजा तू कृपाळू दत्ता दयाळा ।

सेवा करीन सदा मी, दर्शन दे कृपाळा ।
चरण धुण्या तव मी पाणी आणिले गंगेचे ।
स्नान करी बा मजकडून सुगंधी जलाचे ।
पात्री ठेवूनी दूध अभिषेक करितो मी तयाचा ।
शरणागत मी तुझा, ठेवी हात आशीर्वादाचा ।

पंच ज्ञानेंद्रियांचे टाकून पंचामृत ।
सद्भावे देतो मी करी तू स्वीकृत ।
भक्तीच्या धाग्यांनी विणलेले वस्त्र निर्मल ।
नेसावे देवा कायेवरी तुझ्या कोमल ।
अष्टगंध आणिले तुजसाठी उगाळून ।
लावून भाळी घ्यावे देवा, या सेवकाकडून ।

बिल्वपत्री ती त्रिगुणात्मक आणिली वाहण्या तुला ।
तुलसी, दुर्वा वाहतो टाकून माझा सात्त्विक भाव भला ।
शेवंती पुष्पांचा हार मी अर्पण करी ।
सत्कार्याचा धूप माझा सरू दे आपली दूरी ।
आरतीत मी भक्तीची वात लावतो ।

दत्ता तुला ती ज्योत प्रेमभावे ओवाळितो ।
नैवैद्य जिवाचा लावितो तव भोजनी ।
मीपणा सोडून मी लीन तुझ्याच चरणी । ।
पंचप्राण ही अर्पितो पंचपक्वान्न रूपाने ।
पंचतत्त्वाची फळे अर्पितो शांतीच्या रूपाने ।
हस्त प्रक्षालन करी मम तपाचरणाने ।

विडा मम प्रीतीचा खाई तू आनंदाने ।
पूजा घेऊनी स्वीकारी मंत्र पुष्पांजली ।
अपार महिमा तुझा अपुरी माझी शब्दांजली ।
करी कृपा बाळावरी, देऊन आशीर्वाद निरंतर ।
प्रसन्न राही मजवर सदा, हे दत्त दिगंबर ।

Post a Comment

Thanks for Comment

Previous Post Next Post