निरोप कविता 9वी मराठी [ कृती स्वाध्याय व रसग्रहण ]

निरोप कविता 9वी मराठी [ कृती स्वाध्याय व रसग्रहण ]

बाळ, चाललास रणा

घरा बांधिते तोरण

पंचप्राणांच्या ज्योतींनी

तुज करिते औक्षण.

याच विक्रमी बाहूंनी

स्वतंत्रता राखायची,

खांद्यावरी या विसावे

शांति उद्याच्या जगाची.

म्हणूनिया माझ्या डोळा

नाही थेंबही दु:खाचा;

मीहि महाराष्ट्रकन्या

धर्म जाणते वीराचा.

नाही एकहि हुंदका

मुखावाटे काढणार.

मीच लावुनि ठेविली

तुझ्या तलवारीला धार.

अशुभाची साउलीहि

नाही पडणार येथे;

अरे मीहि सांगते ना

 जिजा-लक्षुमींशी नाते.

तुझ्या शस्त्रांना, अस्त्रांना

शक्ति देईल भवानी,

 शिवरायाचे स्वरूप

आठवावे रणांगणी

धन्य करी माझी कूस

येई विजयी होऊन,

पुन्हा माझिया हाताने

दूधभात भरवीन!

Also Read: 
रसग्रहण : संतवाणी - जैसा वृक्ष नेणे रसग्रहण 9th मराठी

रसग्रहण : संतवाणी (आ) धरिला पंढरीचा चोर रसग्रहण 9th मराठी

रसग्रहण : या झोपडीत माझ्या रसग्रहण इयत्ता नववी

रसग्रहण : मी वाचवतोय रसग्रहण इयत्ता नववी

रसग्रहण : महाराष्ट्रावरूनी टाक ओवाळून काया कविता 9वी मराठी रसग्रहण

रसग्रहण : निरोप कविता रसग्रहण इयत्ता नववी

रसग्रहण : वनवासी रसग्रहण इयत्ता नववी 

रसग्रहण : आपुले जगणे आपुली ओळख रसग्रहण इयत्ता नववी

निरोप कविता 9वी मराठी 

पद्मा गोळे(१९१३-१९९८)  : 

1. प्रसिद्ध कवयित्री. ‘नीहार’, ‘स्वप्नजा’, ‘प्रीतिपथावर’, ‘आकाशवेडी’, ‘श्रावणमेघ’ 
2. इत्यादी कवितासंग्रह; ‘नवी जाणीव’, ‘रायगडावरील एक रात्र’, ‘स्वप्न’ इत्यादी नाटिका; ‘वाळवंटातील वाट’ ही कादंबरी प्रसिद्ध.
3. प्रस्तुत कवितेत रणांगणावर जाणाऱ्या आपल्या मुलाविषयीच्या आईच्या अंत:करणातील विविध भावनांचे चित्रण कवयित्रीने कवितेतून केले आहे.

निरोप कविता 9वी मराठी [ कृती स्वाध्याय व रसग्रहण ]